SECRETS

 

तूच तर भावा,ज्यावर थांबेल म्हणून विश्वास आहे
तू भावा तू,माझा Special pass आहेस

Secrets होती कधी,आता सगळं तर माहितीये
अर्धे expose,बाकीचे ठेवशील? हीच तर भीतीये

तूच तर भावा,बेमालूमपणे वागणारा बालिश आहेस
तू भावा तू,निव्वळ चिपकु नेलपॉलिश आहेस

Secrets ची पान अशीच होउदे जमा
बिनधास्त बोलत चल नको कसलाच कमीपणा

तूच तर भावा,मांजरीला आडवं जाणारा आहेस
तू भावा तू, ज्योतिषाचंच भविष्य पाहनारा आहेस

Secrets आहेत भावा,आणि तीच जुनी नाळ
पासवर्ड सांगायची गरज नाय,तोच ४६४१

तूच तर भावा,संकट फोडणारं मनगट आहेस तू
तू भावा तू,खंबीर राहिशील एवढा दणकट आहेस तू

फरफटीच्या आयुष्याची आहेत जमा secrets
तिसरा नकोच कोणी तिथे,दोनच असुदे tickets

तूच तर भावा,शिव्या देऊन सोबत राहणारा आहेस
तू भावा तू,माझ्यासाठी बरवाईट पाहणारा आहेस

Secrets सांगतोय,ऐकतोय,labels लावतोय
वाईट विसरून, चांगल्याना stepals लावतोय

तूच तर भावा,रेघोट्यासाठी हक्काचं पान आहेस
तू भावा तू,माझ्यासाठी ऐकणारा माझे कान आहेस

Secrets पण आहेत रेघोट्या खाली लपलेली
मलाच आहेत माहिती,आवडलेली आणि खुपलेली

तूच तर भावा,तीच फरफट झालेला आहेस तू
तू भावा तू,तीच कटकट पाहिलेला आहेस तू

अशा फरफट आयुष्याची आहेत जमा secrets
तिसरा नकोच कोणी तिथे,दोनच असुदे tickets
ठेव फक्त जमा !
कधीतरी बसून उगाळू,जमा ठेव secrets
तिसरा नकोच कोणी,दोनच असूदे tickets